Admin
المدير العام
رقم العضوية : 1
الدعاء : 
حرفك المفضل : 
رقمك المفضل : 
الأوسمة الخاصه : 
 التميز : 
الاوسمه : 
شغال ايه ياباشا : 
منين ياباشا : 
المزاج : 
 
597
السٌّمعَة : 3
تاريخ التسجيل : 21/04/2009
العمر : 33
الموقع : /agd3-so7ab.hooxs.com
العمل/الترفيه : طالب بكليه التجارة - جامعة المنصورة
 المزاج : معدووووووول اوى زى الفل
 | | موضوع: حلقات اجمل قصه حب الثلاثاء 22 سبتمبر 2009 - 4:03 | |
| اولا بسم الله الرحمن الرحيم كما وعدتكم ان انا هكتب اجمل قصه حب فى الجامعه بس بعد همسه ماتخلص حلقاتها وطبعا همسه ليها منتداها الخاص بها بتكتب فيه وانا حلقاتى هتبقى هنا ان شاء الله الجزء الاول
هتبدأ قصتنا مع اتنين شباب راكبين العربية ومشغلين عمرو دياب اليلادى والحياة جميلة معاهم
واحد منهم اسلام فى امتياز علاج طبيعى 6 اكتوبر والتانى انتيمه كمال صيدلة عين شمس
كان اسلام زار كمال فى كليته ودى كانت المرة اللى رايح كمال فيها يرد الزيارة لأسلام فى كليته
ووقفت العربية قدام باب الجامعة ونزلوا دخلوا جوا وكانوا بيتمشوا بالراحة على اساس اسلام
يوضح لكمال مكان الكلية الخاصة ودخلوا جوا قابلوا اصحاب اسلام حس كمال انه مش مرتاح
شوية وشوش بتضحك بس جواها مش صافى وبعد ما اتعرفوا على كمال دخلوا شوية الكافتيريا
فطلبوا عصير وقعدوا يدردشوا وكمال كان احتاج مية فراح يجيب ازازة ميه وهو بيشرب كانت فى
بنوتة ماشية بتتكلم مع واحدة صحبتها ومش واخدة بالها فخبطت ايده وهى ماشية ووقعت الازازة فى
الارض طبعا المية غرقت البنطلون بتاعها من عند الركبة فطبعا لحق كمال قعدها على الكرسى
كمال:سورى مقصدش بس انتى كنتى ماشية بضهرك
هى مش بتنطق ومكشرة اوى
كمال طلع كلينكس قالها ممكن امسح مكانها
هى: خدت الكلينكس وبدأت هى تمسح مكان المية
كمال فضل واقف مستنى عشان مش يسيبها كدا
هى: قامت ومشيت بعد كدا ومن غير اى اشارة فطبعا كمال ادايق
وهى ماشية قال
كمال:هتاخدى علبة الكلينكس كلها ولا ايه
ضحكت ومشيت
راح قعد مع اسلام والشباب شوية وهو فاكر البنت وعنيها
وشوية لقى البنت وصحابها قاعدين بيتغدوا
فا هو طبعا متغاظ من اللى عملته وعايز يا خد حقه مش عارف وكان قاعد مراقب الجو
حتى كانوا الشباب بيكلموه مش مركز معاهم
وفجأة سابهم وراح واقف قدام البنت هى وصحابها
كمال:على فكرة انتى من ساعة ما دخلتى وانتى عمالة تاكلى مش راحمة نفسك
راح كل صحابها ماتوا على نفسهم من الضحك وهى سابت الاكل
كمال:كملى كملى لسه عادى فى صحابك معاهم اكل
وصحابها شغالين ضحك وسبهم ومشى
خرجوا قعدوا برا
وفجأة لاقها جاية مندفعة عليه وهو عمل نفسه مش واخد باله
وواقفة وراه
هى:انا بقالى هنا تلت سنين عمر ما حد عمل معايا اللى انت عملته انهاردة دا
وهو عمل نفسه مش سامع
هى:هو انا مش بكلم حضرتك
كمال:ايوا أمرى
هى:مسمعتش اوك اكرر تانى بقولك انا بقالى هنا تلت سنين عمر ما حد عمل معايا اللى انت عملته
انهاردة دا
كمال:طيب اهدى شوية اتفضلى اقعدى
هى:لا مش هقعد
كمال:وانا مش هتكلم وانتى واقفة كدا
هى:سكتت
هو راح مدور وشه وهى مولعة على الاخر
وراحت ماشية خطوتين ورجعت تانى قعدت قالتله مش بكلمك
كمال:ايوا كدا لازم االعين الحمرة
هى :انت مين عشان تورينى العين الحمرة
كمال:انا كمال امتياز صيدلة عين شمس وانتى؟
هى بصت باستغراب من هدوءه
كمال رد على طول ايوا قولى انتى مين بس واهدى كدا عشان نتفاهم
قولى بس وبعدين هقولك نتفاهم على ايه بس انتى لسه ماسكة الكلينكس بتاعى
هى ابتسمت وكدا اضطرت تجاوبه
هى:بيزنس هنا
كمال:والاسم ايه؟
هى:ممكن تقول دودو
كمال:اهلا دودو سيبك بقى من كمال وقولى كيمو
دودو:لا مش هقول كيمو هو انت فاكر هنبقى صحاب وكدا ولا ايه
كمال:امال اتعرفتى عليا ليه وواخدة الكلينكس كمان منى هههههه
دودو:على فكرة انا كنت هديك الكلينكس مش هديهولك مدام عايزه كدا
كمال:تلاكيك تلاكيك ههههه
دودو:على فكرة انت مستفذ جدا
كمال:دا اقل حاجة عندى بس هو انتى قاعدة بتتكلمى معايا ليه؟
دودو من عصبيتها نسيت وحطت الكلينكس على الكرسى وقامت
ورجعت تانى انت بردوا على فكرة محدش عمل معايا كدا زيك
كمال:قالها بجد سورى لو كنت دايقتك بس مش اقصد وياريت تقبلى اعتذارى
دودو:اوك مفيش مشاكل وخدت الكلينكس وقالتله مش هتاخده بردوا
ومشيت وبعد عشر دقايق كمال نده عليها تانى
هنشوف الحلقة الجاية حصل ايه
| |
|
Admin
المدير العام
رقم العضوية : 1
الدعاء :
حرفك المفضل :
رقمك المفضل :
الأوسمة الخاصه :
التميز :
الاوسمه :
شغال ايه ياباشا :
منين ياباشا :
المزاج :
597
السٌّمعَة : 3
تاريخ التسجيل : 21/04/2009
العمر : 33
الموقع : /agd3-so7ab.hooxs.com
العمل/الترفيه : طالب بكليه التجارة - جامعة المنصورة
المزاج : معدووووووول اوى زى الفل
| | موضوع: رد: حلقات اجمل قصه حب الثلاثاء 22 سبتمبر 2009 - 4:04 | |
|
الحلقة التانية:
ومشيت وبعد عشر دقايق كمال نده عليها تانى
كمال:على فكرة هترجعى تلاقى الاكل خلص ههههههههه
دودو:مستفذ مستفذ
رجع كمال عشان يشوف اسلام مع صحابه
اسلام: قاله بقولك ايه عشر دقايق هروح اشوف المعمل بتاعى وجاى
كمال:معمل ايه انت هتسيبنى هنا معاهم لوحدى لا خدنى معاك
اسلام:لا مش هينفع اقعد بس عشر دقايق وجايلك
وفضل كمال مع الشباب وبيكلم واحد منه كان اتعرف عليه اسمه خالد
خالد:انت عارف صاحبك راج فين دلوقت
كمال:راح فين؟
خالد:قاعد مع بنت جامدة طحن فوق
كمال:يا رجل يعنى مفيش لا معمل ولا حاجة
خالد:لأ يمكن قاعدين فى المعمل بردوا هههههههه
كمال:ما تيجى تودينى ليه
خالد:قشطة يا مان تعالى
وطلعوا فوق وبيبصوا من ورا الازار
خالد:صاحبك اهوه
كمال:ايه يااااااا .. قاعد ومعاك بنتين زى القمر ومنفضلى وقاعد هنا
وجاى يفتح كمال الباب
خالد :رايح فين
كمال:مفيش هسلم عادى
كمال بيكلم اسلام بقى
كمال:ايه يا عم انا دخت لحد ما وصلت لهنا فين الناس اللى انت عايز تعرفنى عليهم
اسلام:مين اللى قالك الكلام دا؟
كمال:ايوا اهم البنتين اللى قولتلى عليهم
اسلام:بنيت ايه يا واد
كمال:بس تصدق جامدين زى ما قولت
اسلام:الله يخرب بيتك
والبنتين قاموا طبعا مدايقين من اسلام
اسلام:انت ايه اللى عملته دا يا واطى
كمال:هههههههههه انا اللى واطى يا واطى يا بتاع المعامل
اسلام:ايه يا عم انا كنت ماشى عاد قابلتهم قعدت اسلم وبس
كمال:تسلم وسايبنى تحت يا واطى عليا انا
اسلام:روح بقى صلحلى الجو تانى
كمال:اصلحهولك ازاى دا
اسلام:معرفش زى ما نيلته صلحه
كمال:طيب اوك هما فين وانا هظبطلك الجو تانى
اسلام :روح دور عليهم تلاقيهم قعدوا تحت
كمال:طيب يلا بينا لو قبلناهم هشوف كدا
ونزلوا تحت يدورا مش لقوهم ورحوا يقعدوا تانى
كمال شافهم مع دودو بيتمشوا
فخدها فرصة وراح عليهم على طول
وواقف قدامهم
دودو:انت ايه عايز ايه تانى؟
كمال:انا مش جايلك انا جاى للقمرين دول
واحدة منهم بتقول لدودو:هو انتى تعرفيه؟
دودو:الاستاذ اكتر واحد مستفز شوفته
راحت التانية ردت:طيب بعد اذنك احنا مش فاضيين بعد اذنك
كمال:هى ايه كلية دى انا بس عايز اقولكم حاجة الموقف اللى حصل فوق كان هزار وبغلس على
اسلام مش اكتر ومفيش حاجة من اللى قولتها دى حصلت وسورى لو عطلتكم سلام
وراح كمال لأسلام قاله انا عملت اللى عليا
اسلام:اه ما انا لسه كنت متصل بيهم عشان أأكد وقالولى ان شكلك كان وحش اوى هههههه
كمال:هما قالولك كدا معلش اكيد لينا عمر وهاشوفهم تانى
بس وخلص اليوم وخارجين عشان يركبوا العربية
وكمال لاقى دودو والبنتين لسه طالعين بالعربية بتاعتهم
كمال:هات يا اسلام المفاتيح بسرعة انا اللى هسوق
اسلام:لأ بلاش يا عم انت مجنون
كمال:بقولك خلص هات
وطلع كمال وراهم بالعربية بسرعة
ووووووووووو نكمل الحلقة
| |
|
Admin
المدير العام
رقم العضوية : 1
الدعاء :
حرفك المفضل :
رقمك المفضل :
الأوسمة الخاصه :
التميز :
الاوسمه :
شغال ايه ياباشا :
منين ياباشا :
المزاج :
597
السٌّمعَة : 3
تاريخ التسجيل : 21/04/2009
العمر : 33
الموقع : /agd3-so7ab.hooxs.com
العمل/الترفيه : طالب بكليه التجارة - جامعة المنصورة
المزاج : معدووووووول اوى زى الفل
| | موضوع: رد: حلقات اجمل قصه حب الثلاثاء 22 سبتمبر 2009 - 4:06 | |
| كفايه الحلقتين دول النهارده ونكمل الباقى بعد الرد ان شاء الله يارب تكون عجبتكوا | |
|
