وعجبــــى!!

[ندعوك للتسجيل في المنتدى أو التعريف بنفسك لمعاينة هذه الصورة]

مع ان كل الخلق من أصل طين

وكلهم بينزلوا مغمضين

بعد الدقايق والشهور والسنين

تلاقى ناس أشرار وناس طيبين

عجبى !!!

عجبى عليك يا زمن يا أبو البدع

يا مبكى عينى دماً

ازاى اختار لروحى طريق؟

وأنا اللى داخل فى الحياة مرغماً

عجبى !!!

[ندعوك للتسجيل في المنتدى أو التعريف بنفسك لمعاينة هذه الصورة]

أنا شاب لكن عمرى ولا ألف عام

وحيد ولكن بين ضلوعى زحام

خايف ولكن خوفى منى أنا

أخرس ولكن قلبى مليان كلام

عجبى !!!

ياما صادفت أصحاب وماصحبتهمش

وكاسات خمور وشراب ومشربتهمش

أندم ع الفرص اللى أنا سبتهم

والا ع الفرص اللى مسبتهمش

عجبى !!!!!

[ندعوك للتسجيل في المنتدى أو التعريف بنفسك لمعاينة هذه الصورة]

مهبوش بخربوش الألم والضياع

قلبى ومنزوع من الضلوع انتزاع

يا مرايتى ياللى بترسمى ضحكتى

يا هل ترى ده وش ولا قناع؟؟

عجبى !!!

نوح راح لحاله والطوفان استمر

مركبنا تايهة لسه موش لاقية بر

آه من الطوفان وآهين يا بر الأمان

إزاى تبان والدنيا غرقانة شر

عجبى !!!

[ندعوك للتسجيل في المنتدى أو التعريف بنفسك لمعاينة هذه الصورة]

أنا كل يوم أسمع فلان عذبوه

أسرح فى بغداد والجزاير وأتوه

ما اعجبش من اللى يطيق بجسمه العذاب

واعجب من اللى يطيق يعذب أخوه

عجبى !!!

إنسان إيا إنسان ما أجهلك

ما أتفهك فى الكون وما أضألك

شمس وقمر وسدوم وملايين نجوم

وفاكرها يا موهوم مخلوقه لك؟؟

عجبى !!!

"ربــاعياات صلاح شاهين" [ندعوك للتسجيل في المنتدى أو التعريف بنفسك لمعاينة هذه الصورة]

_________________

جامد صلاح شاهين يا روان تسلم ايدك بس الخط عمانى هههههههههههههههه

والله عندك حق

كلامك مظبوووووووط

وعجبى